Pan da Moa

Non deixa de supor un reto constante a mellora e a conservación continua da calidade e a excelencia. Non tería significado que non todo fose na mesma liña e a utilización dos mellores ingredientes non fora ligada aos procesos que nós consideramos máis propios para a consecución destes parámetros. Así, a ninguén se lle pode escapar que os mellores follados deben ser de excelente manteiga de leite. Non hai dúbida que a elaboración destes é moito máis dificultosa, pero a satisfacción profesional de tratar e elaborar un produto de nivel é algo incontestable. Por iso e, sobre todo, porque a nosa clientela esixe o mellor.